Эркаклар, коринни йўкотмокчимисиз?
Ёши улғайгани сари кўпчилик эркакларда қорин чиқиши билан боғлик муаммо юзага келади. Баъзиларда тананинг бошқа жойи семирмасдан, фақат қориннинг катталашиши кузатилади.
Қорин чиқишига кўпинча гавдани тўғри тутмаслик, нотўғри овқатланиш ва пресс машқлар билан ишламаслик сабаб бўлади. Агар ҳар куни қорин мушакларига ишлов берувчи машқлар бажарилмаса, қоринни йўқотиш қийин кечади.
Кўпчилик пиёда юришни жисмоний машғулот деб билади. Лекин пиёда юрганда, қорин мушаклари умуман ҳаракатланмайди. Шундай экан, қоринни қандай йўқотиш мумкин?
НАФСНИ ТИЙИНГ
Бу жараённи энг оддий усул ҳисобланмиш парҳездан бошласак. Бунда, аввало, кундалик истеъмол қилинаётган озиқ-овқатлар калориясига эътибор бериш зарур. Овқат миқдори суткада 500 ккал.дан ошмаслиги керак. Одатга кўра, қарийб барча эркаклар ширинликни хуш кўришади. Шу боис турли ширинликлар, ичимликлардан воз кечишингиз керак. Чой ва кофени шакарсиз ичиш талаб этилади. Алпқомат бўлишни истасангиз, алкоголь ичимликлар, хусусан, пивони умуман унутинг. Бундан ташқари, чипс ва музқаймоқлар билан ҳам вақтинча хайрлашишга тўғри келади. Сариёғ ва ёғли пишлоқлар ҳам қорин чиқишига олиб келишини унутмаслик лозим. Шу қоидаларга амал қилиш билан таом калориясини камида 200 ккал.га камайтириш мумкин. Буларнинг ўрнини йогурт ва сабзавотлардан тайёрланган шўр-вага алмаштирса бўлади.
ДАНГАСА БЎЛМАНГ
Уйда жисмоний машқлар бажаришни канда қилманг. Бунда гавдани қимирлатмаган ҳолда оёқлар билан ҳаракатланишга эътибор қаратинг. Қориннинг пастки мушакларига ишлов бериш учун оёқ билан турли машқларни бажаринг. Шунингдек, секин-аста қорин мушакларини чиқариш машқларини бажаринг. Аввалига бир оз қийин бўлиши мумкин, лекин вақт ўтиши билан кўникиб кетасиз ва керакли натижага эришасиз.
НАФАС ОЛАМИЗ...ЧИҚАРАМИЗ
Қорин йўқотишнинг яна бир усули — бу махсус мойлар ёрдамида бажариладиган уқалаш муолажасидир. Бундан ташқари, қоринни тортиш маш-қи ҳам жуда фойдали. Чунки уни исталган пайтда ва исталган жойда бажариш мумкин. Нафас олганда, қоринни тортинг, чиқарганда эса бўш қўйинг. Бу усулни 15 мартадан бир кунда бир неча бор такрорланг. Агар ушбу усул парҳез ва бошқа машқлар билан биргаликда бажарилса, бир ой ичида ўз самарасини кўрсата бошлайди.
ЖАРРОҲЛИК СТОЛИГА ЕТИБ БОРГУНЧА...
Кўпчилик катта қорин кўп суюқлик истемол қилгандан пайдо бўлади, деб ўйлайди. Лекин бундай эмас. Қорин суюқликдан ташкил топмаган, у ортиқча ёғларнинг натижасидир. Чунки истеъмол қилинган суюқликнинг барчаси 15 соатда буйракка етиб боради. Баъзи эркаклар қоринни жарроҳлик амалиёти билан йўқотишга уринишади. Тўғри, ҳозирда липосакция, абдоминоплас-тика ва дермолипэктомия деган тушунчалар бор. Лекин ушбу амалиётлардан кейин қорин бошқа чиқмайди, деган кафолатни ҳеч ким беролмайди. Шунинг учун юқорида тавсия қилинган оддий усуллардан фойдаланиш мақсадга мувофиқ.
Руслан МУСТАФИН,
«Star Med Center» клиникасининг терапевт-шифокори.
Источник: http://shifo-info.uz/
Диетология
Cтраница : Эркаклар, коринни йўкотмокчимисиз? 
